“NEFTÇİ” KOMANDASI KİYEVDƏ KEÇİRİLƏN BEYNƏLXALQ MİNİ-FUTBOL TURNİRİNİN QALİBİ OLMUŞDUR

16.03.2009 [19:26]
Çap et
A⁺ A^-

Kiyev, 16 mart (AZƏRTAC). “Neftçi” komandası Kiyevdə Olimpiya bazası stadionunda keçirilən və məşhur Ukrayna futbolçusu Viktor Kolotovun xatirəsinə həsr edilmiş VII Beynəlxalq mini-futbol turnirinin qalibi olmuşdur.

Ukraynanın “Sumı” klubu ilə keçirilən final görüşünün əsas vaxtı heç-heçə (2:2) başa çatmışdır. Onbirmetrlik cərimə zərbələri zamanı isə məşqçi Hacı Abdullayevin yetirmələri fərqlənmişlər: 4:3.

Turnirin ən yaxşı qapıçısı Ramin Həsənzadə, ən yaxşı oyunçusu isə Natiq Məmmədkərimov sayılmışdır.

Futbolçularımız Azərbaycanın Ukraynadakı səfiri Tələt Əliyev ilə birlikdə martın 16-da ümummilli lider Heydər Əliyevin diplomatik nümayəndəliyimizin yanındakı bağda ucaldılmış abidəsi önünə qızılgüllər qoymuşlar.

Zeynal Ağazadə

AZƏRTAC-ın xüsusi müxbiri

Kiyev