NİDERLANDDA AZƏRBAYCAN DİLİNDƏ İLK QƏZET İŞIQ ÜZÜ GÖRMÜŞDÜR
Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişlər ki, 2003-cü ilin avqust ayından Niderlandın paytaxtı Amsterdam şəhərində fəaliyyətə başlayan “Azərbaycan-Niderland” Cəmiyyəti bu ilin yanvarından öz mətbu orqanı olan “Azərbaijan Netherlands News” aylıq qəzetini çıxarmağa başlamışdır. Cəmiyyətin sədri Sahil Qasımov Komitəyə bildirmişdir ki, Azərbaycan dilində nəşr olunan bu qəzet oxuculara Niderlandda və Azərbaycanda baş verən hadisələrdən xəbər verir. Nəşrin “Ədəbiyyat və İncəsənət”, “İdman”, “Elanlar”, “Beynəlxalq tanışlıq” və sair rublikaları vardır.
Bölmənin digər xəbərləri
