Ölkə ərazisində havanın hərarəti tədricən 2-3 dərəcə yüksələcək
Bakı, 4 iyun, AZƏRTAC
Yaxın 2-3 gün ərzində paytaxtda yağmursuz hava şəraiti müşahidə olunacaq. İyunun 5-də günün birinci yarısında qısamüddətli yağış yağacağı gözlənilir.
Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova məlumat verib.
Bildirilib ki, iyunun 5-6-da bəzi bölgələrdə havanın yağıntılı olacağı, gündüz saatlarından etibarən əksər rayonlarda yağmursuz keçəcəyi ehtimalı var. Ölkə ərazisində havanın hərarəti yaxın iki-üç gün ərzində tədricən 2-3 dərəcə yüksələcək.
Bölmənin digər xəbərləri
