Ötən il Bakı şəhərində 16 mindən çox cinayət hadisəsi qeydə alınıb
Bakı, 19 yanvar, AZƏRTAC
2022-ci il ərzində Bakı şəhərinin prokurorluq və daxili işlər orqanları üzrə cəmi 16 min 724 törədilmiş cinayət hadisəsi qeydiyyata alınıb ki, onların açılma faizi 87,3 faiz təşkil edib.
AZƏRTAC xəbər verir ki, bu barədə Bakı şəhər prokurorluğunun rəhbərliyi və ərazi rayon prokurorluqları işçilərinin iştirakı ilə keçirilən əməliyyat müşavirəsində məlumat verilib.
Bakı şəhərinin prokurorluq və daxili işlər orqanları tərəfindən həyata keçirilən istintaq-əməliyyat tədbirləri nəticəsində paytaxt ərazisində qeydə alınmış 50 qəsdən adam öldürmə və 16 qəsdən adam öldürməyə cəhd cinayətlərinin hamısının açılması təmin edilib.
Bölmənin digər xəbərləri
