Parapauerliftinqçilərimiz dünya çempionatına Gürcüstanda hazırlaşırlar
Bakı, 17 noyabr, AZƏRTAC
Azərbaycan Milli Paralimpiya Komitəsinin (AMPK) pauerliftinq idman növü üzrə milli komandası baş məşqçi İlqar İbişovun rəhbərliyi altında Gürcüstanın Bakuriani şəhərində keçirilən beynəlxalq təlim-məşq toplantısında iştirak edir.
AZƏRTAC AMPK-ya istinadla xəbər verir ki, hazırlıq prosesi noyabrın 25-dək davam edəcək.
Qeyd edək ki, təlim-məşq toplanışından sonra millimizin üzvləri noyabrın 26-dan dekabrın 6-dək Tbilisidə keçiriləcək pauerliftinq üzrə dünya çempionatında güclərini sınayacaqlar.
Dünya çempionatında ölkəmizi Pərvin Məmmədov (49 kq), Zəhra Dadaşova (50 kq), Leyla Kərimova (+86 kq) və Nurlan Babacanov (97 kq) təmsil edəcəklər.
Bölmənin digər xəbərləri
