Portuqaliyada Beynəlxalq Turist Yürüşləri Çempionatı keçiriləcək
Lissabon, 21 may, AZƏRTAC
İyunun 6-9-da Portuqaliyada qayalıq cığırlarla Beynəlxalq Turist Yürüşləri Çempionatı keçiriləcək.
Təqribən 500 idmançı üç gün ərzində Miranda-du-Dorunun və Serra-da-Louzanın piyada cığırları ilə yürüşə çıxacaqlar.
Dünya çempionatının təşkilat komitəsi idmanın bu növündə ən yaxşı idmançılardan ibarət 50-dən çox komanda qəbul etməklə, iştirakçı ölkələrin sayına görə rekordu təzələmək istəyir. Qeyd edək ki, bu komandalar iyunun 8-də 42 kilometrlik əsas yarışda güclərini sınayacaqlar.
İyunun 9-da isə 44 kilometr məsafəyə “Ultra Vulture Trail” yarışı keçiriləcək. Yarışda təqribən min idmançı iştirak edəcək.
Nigar Cəfərli
AZƏRTAC-ın xüsusi müxbiri
Lissabon
Bölmənin digər xəbərləri
