Qasırğa Moldovada ciddi fəsadlar yaradıb
Kişineu, 12 mart, AZƏRTAC
Moldovada qasırğa ilə müşahidə olunan güclü külək ciddi fəsadlar yaradıb.
AZƏRTAC-ın yerli mətbuata istinadla verdiyi məlumata görə, qasırğa nəticəsində onlarla ağac aşıb, orta məktəblərin, yaşayış binalarının dam örtüyü dağılıb, 20 avtomobilə ciddi ziyan dəyib.
Qasırğa əsasən Moldovanın şimal hissəsinə ziyan vurub. Hazırda paytaxt Kişineu da daxil olmaqla ölkənin 10-a yaxın şəhərində fövqəladə vəziyyətin aradan qaldırılması üçün qərargahlar yaradılıb.
Emil Hüseynli
AZƏRTAC-ın xüsusi müxbiri
Kişineu
Bölmənin digər xəbərləri
