Qurban Qurbanov Azərbaycan çempionatlarında baş məşqçi kimi 150-ci qələbəsini qazanıb
Bakı, 22 fevral, AZƏRTAC
Azərbaycan Premyer Liqasının XXII turunun “Neftçi” ilə oyunundakı 2:0 hesablı qələbə “Qarabağ”ın baş məşqçisi Qurban Qurbanov üçün əlamətdar olub.
AZƏRTAC xəbər verir ki, 44 yaşlı mütəxəssis Azərbaycan çempionatlarında baş məşqçi kimi 150-ci qələbəsini qazanıb. O, buna 272-ci matçda nail olub. Hesabında 71 heç-heçə və 51 məğlubiyyət olan çalışdırıcı karyerası ərzində yalnız iki klubun baş məşqçisi olub. 2006-2007-ci illərdə baş məşqçisi olduğu “Neftçi”dən fərqli, “Qarabağ”da daha uzun müddət - 2008-ci ildən indiyədək çalışan Q.Qurbanov bu klubla Premyer Liqada 131 qələbə əldə edib.
Q.Qurbanov Azərbaycan çempionatlarındakı qələbə sayında baş məşqçilər arasında 5-ci pillədədir.
Bölmənin digər xəbərləri
