Quyuların cari və əsaslı təmiri - yeni dərslik
Bakı, 26 iyul, AZƏRTAC
“Quyuların cari və əsaslı təmiri” adlı dərslik nəşr olunub.
Bu barədə AZƏRTAC-a Azərbaycan Dövlət Neft və Sənaye Universitetinin Azİİ e-Kitab Evinin direktoru Səlahət Mahmudova məlumat verib.
Nəşr neft-qaz hasilatının sabitləşdirilməsi üçün böyük əhəmiyyət kəsb edən və neftqazçıxarma sənayesinin ən mühüm sahələrindən biri olan - neft və qaz quyularının yeraltı təmirinə həsr olunub.
Təhsil proqramına uyğun olaraq dərslikdə quyuların təmirində istifadə edilən texnika - yerüstü və yeraltı avadanlıqlar, cari və əsaslı təmir texnologiyaları, o cümlədən qum və parafin tıxaclarının yuyulması və təmizlənməsi, qəzalı quyuların bərpasında tətbiq edilən texnoloji alətlər və s. haqqında məlumatlar verilib.
Nəşr tələbə və mütəxəssislər üçün nəzərdə tutulub.
Bölmənin digər xəbərləri
