Respublikanın dağ çaylarında suyun səviyyəsi qalxmışdır
Bakı, 1 mart (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, fevral ayının 3-cü ongünlüyündə güclü yağıntılarla əlaqədar dağ çaylarında, xüsusən də Lənkəran-Astara bölgəsi çaylarında sululuq artmışdır.
Böyük Qafqazın Balakən-Şəki bölgəsi çaylarında sululuq ongünlük normanın 235-365, Quba-Xaçmaz çaylarında 120-175, Lənkəran-Astara çaylarında 210-265, Kiçik Qafqaz çaylarında 110-155, Naxçıvan Muxtar Respublikası çaylarında isə 80 faizini təşkil edir.
Kür çayının Qıraqkəsəmən məntəqəsində su sərfi 160, Qanıx çayının Əyriçay məntəqəsində isə 74 kubmetr/san olmuşdur.
Fevral ayında Kür çayının Yevlax məntəqəsində suyun səviyyəsində 132, Zərdabda 216, Surrada 157, Şirvanda 137, Salyanda 126, Bankədə 55, Araz çayının Novruzlu məntəqəsində isə 92 santimetr artım müşahidə olunmuşdur. Surra məntəqəsində suyun hazırki səviyyəsi 617, Şirvanda 505, Bankədə 341, Salyanda 463, Araz çayının Novruzlu məntəqəsində isə 342 santimetrdir.
Bölmənin digər xəbərləri
