Rusiya və ABŞ nümayəndə heyətləri sabah İstanbulda yenidən görüşəcəklər
İstanbul, 9 aprel, Günel Karatepe, AZƏRTAC
Aprelin 10-da Rusiya və ABŞ nümayəndə heyətləri İstanbulda ikinci dəfə görüşəcək.
AZƏRTAC xəbər verir ki, heyətlərin Rusiyanın İstanbuldakı baş konsulluğunda keçiriləcək görüşündə iki ölkənin diplomatik nümayəndəliklərinin fəaliyyətə başlaması məsələsi müzakirə olunacaq.
Xatırladaq ki, nümayəndə heyətləri ilk dəfə fevralın 18-də Səudiyyə Ərəbistanının paytaxtı Ər-Riyadda bir araya gəliblər. Tərəflər arasındakı ikinci görüş isə fevralın 27-də İstanbulda baş tutub.
Bölmənin digər xəbərləri
