RUSİYA YIĞMASININ AZƏRBAYCAN VƏ LİXTENŞTEYN KOMANDALARI İLƏ OYNAYACAQ FUTBOLÇULARIN ADLARI AÇIQLANMIŞDIR
Bakı, 17 mart (AZƏRTAC). Futbol üzrə Rusiya yığmasının məşqçilər heyəti 2010-cu il dünya çempionatının seçmə yarışları çərçivəsində martın 28-də Azərbaycan, aprelin 1-də isə Lixtenşteyn yığmaları ilə keçiriləcək görüşlərə hazırlıq üçün dəvət olunmuş oyunçuların adlarını açıqlamışdır.
Rusiya Futbol İttifaqının rəsmi saytının yazdığına görə, siyahıya 22 futbolçunun adı salınmışdır: qapıçılar - İqor Akinfeyev (OMİK), Vladimir Qabulov (“Dinamo”), Vyaçeslav Malafeyev (“Zenit”); müdafiəçilər - Aleksandr Anyukov (“Zenit”), Aleksey Berezutski, Vasili Berezutski, Yuri Jirkov, Sergey İqnaşeviç (OMİK), Denis Kolodin (“Dinamo”), Renat Yanbayev (“Lokomotiv”); yarımmüdafiəçilər - Diniyar Bilalətdinov, Dmitri Torbinski (“Lokomotiv”), İqor Denisov, Konstantin Zıryanov, İqor Semşov (“Zenit”), Alan Dzaqoyev (OMİK), İvan Sayenko (“Spartak” M), Sergey Semak (“Rubin”); hücumçular - Andrey Arşavin (“Arsenal”, İngiltərə), Roman Pavlyuçenko (“Tottenhem”, İngiltərə), Pavel Poqrebnyak (“Zenit”), Dmitri Sıçev (“Lokomotiv”).
Bölmənin digər xəbərləri
