Rusiyada prezident seçkilərində 20,23 faiz fəallıq qeydə alınıb
Moskva, 15 mart, AZƏRTAC
Rusiyada növbəti prezident seçkilərində, Moskva vaxtı ilə saat 15:30 olan məlumata görə, 20,23 faiz fəallıq qeydə alınıb.
AZƏRTAC xəbər verir ki, bu barədə Rusiya Mərkəzi Seçki Komissiyası (MSK) məlumat yayıb.
MSK-dan bildiriblər ki, 2,6 milyon seçici vaxtından əvvəl, yarım milyondan çox vətəndaş isə distant səs verib.
Gün ərzində seçki məntəqələrinin bir neçəsində, o cümlədən Sankt-Peterburqda, Voronej, Rostov vilayətlərində seçki qutularına boya tökülməsi, Moskvada isə seçici kabinəsinin yandırılması faktları qeydə alınıb. Qanun pozucuları saxlanılıb. Onları 5 ilədək həbs cəzası gözləyir. Seçki məntəqələrinin mühafizəsi gücləndirilib.
Xatırladaq ki, Rusiyada prezident seçkilərində dörd namizəd iştirak edir. Səsvermənin ilkin nəticələri martın 18-də elan olunacaq. Yeni seçiləcək prezidentin inaqurasiyası mayın 7-nə təyin olunub.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
