Saatlıda baş verən yol qəzasında 6 nəfər xəsarət alıb
Saatlı, 12 iyun, Mahir Babayev, AZƏRTAC
Saatlı rayonunda baş verən yol-nəqliyyat hadisəsi nəticəsində 6 nəfər xəsarət alıb.
AZƏRTAC-ın bölgə müxbiri xəbər verir ki, hadisə Hacıqabul-Horadiz magistralının Saatlı rayonunun Qaranuru kəndi ərazisindən keçən hissəsində baş verib. “VAZ 2105” markalı avtomobil “Mercedes” markalı minik avtomobili ilə toqquşub.
Xəsarət alanlar Saatlı Rayon Mərkəzi Xəstəxanasına yerləşdirilib. Yaralılardan vəziyyəti ağır olan 2 nəfər Bakıdakı ixtisaslaşdırılmış xəstəxanaya göndərilib.
Faktla bağlı araşdırma aparılır.
Bölmənin digər xəbərləri
