“Sabah” klubu UEFA Konfrans Liqası çərçivəsində Bakıda “Partizan” komandası ilə qarşılaşır
Bakı, 10 avqust, AZƏRTAC
UEFA Konfrans Liqası çərçivəsində “Sabah” futbol klubu Bakıda Serbiyanın “Partizan” komandası ilə qarşılaşır.
AZƏRTAC xəbər verir ki, “Bank Respublika Arena”da keçirilən görüşdə “Sabah”ın start heyətində Yusif İmanov, Amin Seydiyev, Boyan Letiç, Anatoli Nuriyev, Aleksey İsayev, Vinsent Till, Kristian da Silva, Emmanuel Apeh, Maruan Hadudi, Jarl Marqarita, Sofian Çaka meydana çıxıblar.
Qonaq komandanın ilk “11-liyi”ndə isə Aleksandr Yovanoviç, Mixaylo İliç, Nikola Antiç, Svetozar Markoviç, Severina Xander, Frank Elimane Kanute, Kuinsi Meniq, Matheus Saldanya, Aldo Kalulu, Aleksandr Filipoviç və Kristian Beliç yer alıblar.
Matçı gürcüstanlı FIFA referisi Giorgi Kruaşvili idarə edir.
Qeyd edək ki, UEFA Konfrans Liqasında mübarizə aparan digər təmsilçimiz “Neftçi” isə Bakıda Türkiyə nəhəngi “Beşiktaş”ı sınağa çəkəcək. “Neftçi Arena”da oynanılacaq görüş saat 21:00-da başlayacaq.
Bölmənin digər xəbərləri
