Şahdağ Milli Parkında daha bir yanğın baş vermişdir
Bakı, 7 dekabr (AZƏRTAC). Dekabrın 6-da saat 15:00-dan etibarən Şahdağ Milli Parkının Talıstan Meşəbəyliyinin 5 saylı dolayında yanğın davam edir.
Ekologiya və Təbii Sərvətlər Nazirliyindən (ETSN) AZƏRTAC-a verilən məlumata görə, yanğın 2,5 hektaradək sahəni əhatə etmişdir.
Yanğının qarşısının alınmasına ETSN və Fövqəladə Hallar Nazirliyinin yerli qurumları cəlb olunmuşdur. Bundan əlavə, kənd sakinləri də yanğının söndürülməsinə yardım göstərir.
Yanğının geniş miqyas almaması və digər meşə zolaqlarına keçməməsi üçün tədbirlər görülür.
Xatırladaq ki, dekabrın 2-də həmin ərazinin bələdiyyə ilə sərhəd sahəsində də yanğın hadisəsi baş vermişdir. Yanğın ümumilikdə 2 hektaradək sahəni əhatə etmiş, əsasən xəzəl və kol-kos yanmışdır.
Bölmənin digər xəbərləri
