ŞAHMAT ÜZRƏ AZƏRBAYCAN BİRİNCİLİYİNDƏ YEDDİNCİ TURUN OYUNLARI KEÇİRİLMİŞDİR
Bakı, 29 mart (AZƏRTAC). “Təhsil” Respublika İdman Mərkəzində şahmat üzrə 8, 10, 12, 14, 16 və 18 yaşadək oğlan və qızlar arasında Azərbaycan çempionatının görüşləri davam edir. Respublikanın 30-a yaxın şəhər və rayonlarından 135-dək gənc şahmatçının mübarizə apardığı yarışda 7-ci turun oyunları keçirilmişdir.
8 yaşlı şahmatçıların yarışında Abdulla Qədimli (6 xal) və Xanım Balacayeva (7 xal) turnir cədvəlinə liderlik edirlər. 10 yaşlı oğlanların turnirində Zaur Abbasov (5,5 xal), qızların yarışında isə hərəyə 7 xalla Nərmin Məmmədova, Aydan Höcətova, Günay Məmmədzadə birinci yerləri tutmuşlar.
Digər yaş qruplarında aşağıdakı nəticələr qeydə alınmışdır: 12 yaş - Elxan Bayramov (6,5 xal), Xatun Bağırova (5,5 xal) və Günay Nəsirova (5,5 xal), 14 yaş - İzzət Kənan (6,5 xal), Səbinə İbrahimova (6 xal) və İzzət Rəhimli (6 xal), 16 yaş - Zaur Məmmədov (6 xal) və Nərmin Kazımova (6 xal), 18 yaş - Vüqar Rəsulov (5,5 xal) və Aysel Bəxtiyarlı (6 xal).
Hər yaş qrupunda qaliblər dünya və Avropa birinciliklərinə vəsiqə qazanacaqlar.
Bölmənin digər xəbərləri
