Şəhid Ruslan Cəfərlinin şəxsi əşyaları muzeyə təqdim edilib
Bakı, 17 iyun, AZƏRTAC
Şəhid Ruslan Cəfərlinin şəxsi əşyaları AMEA-nın Milli Azərbaycan Tarixi Muzeyinə təqdim edilib.
Bu barədə AZƏRTAC-a muzeydən məlumat verilib. Ruslan Cəfərli 1995-ci il mayın 25-də Mingəçevir şəhərində anadan olub. Mingəçevir 4 nömrəli məktəbdə təhsil alıb, 2013-2015-ci illərdə həqiqi hərbi xidmətdə olub. O, Vətən müharibəsi zamanı Suqovuşanın azadlığı uğrunda gedən döyüşlərdə iştirak edib.
Ruslan Cəfərli oktyabrın 21-də Tərtər-Ağdərə istiqamətində Suqovuşan və Talış kəndinin azadlığı uğrunda gedən döyüşlərdə şəhidlik zirvəsinə ucalıb.
Azərbaycan Prezidenti İlham Əliyevin Sərəncamına əsasən Ruslan Cəfərli “Vətən uğrunda” medalı ilə təltif olunub (ölümündən sonra).
Bölmənin digər xəbərləri
