Şəhidlərimizin xatirəsi hər zaman qəlblərdə yaşayacaqdır
Bakı, 20 yanvar (AZƏRTAC). 20 Yanvar hadisələrinin 21-ci ildönümü günündə şəhidlərimizin məzarlarını ziyarət etməyə axışan insanlar arasında “Azərpoçt”un əməkdaşı Nəzakət İmanova da var idi.
O, AZƏRTAC-a bildirmişdir ki, Şəhidlər xiyabanını ziyarət etmək müqəddəs borcumuzdur. İyirmi bir il bundan əvvəl Bakıda törədilən qırğın Azərbaycan xalqının milli azadlıq mübarizəsini boğmaq məqsədi daşısa da, bu qanlı hadisə xalqımızın müstəqillik əzmini, azadlıq mübarizəsini qıra bilmədi. Şəhidlərimizin xatirəsi hər zaman qəlblərdə yaşayacaqdır.
Bölmənin digər xəbərləri
