ŞƏKİ KOMANDASI “MAHİR NİŞANÇI” ATICILIQ YARIŞI ZONA TURUNUN QALİBİ OLMUŞDUR
Şəki, 17 mart (AZƏRTAC). Şəki Avtomobil Məktəbinin atıcılıq tirində Könüllü Hərbi Vətənpərvərlik Texniki İdman Cəmiyyəti (KHVTİC) Respublika Şurasının təşkilatçılığı ilə “Mahir nişançı” pnevmatik tüfəngdən atıcılıq üzrə respublika yarışlarının zona birinciliyi keçirilmişdir.
Qələbə uğrunda Şəki, Balakən, Zaqatala, Qax və Qəbələ rayonlarının komandaları mübarizə aparmışlar.
Şəhər gənclər və idman idarəsindən bildirmişlər ki, zona turnirində Şəki komandası daha uğurlu çıxış edərək birinci yeri tutmuş və yarışların final mərhələsində iştirak etmək hüququ qazanmışdır. Qəbələ və Balakən rayonlarının komandaları birinciliyi II-III pillələrdə başa vurmuşlar.
Qalib komandalara KHVTİC-nin diplomları təqdim edilmişdir.
Bölmənin digər xəbərləri
