Serbiyalı tennisçi koronavirusla əlaqədar ölkəsinə maddi yardım edib
Belqrad, 28 mart, AZƏRTAC
Serbiyalı tennisçi, dünya şöhrətli Novak Cokoviç ölkəsində koronavirusla yardım fonduna bir milyon avro ianə edib.
AZƏRTAC xəbər verir ki, ayrılan pulla respirator və tənəffüs cihazları alınacaq. İdmançı bu barədə “Instagram”dakı səhifəsində məlumat verib. O bildirib ki, köçürülən vəsaitə Çindən və Almaniyadan xüsusi tibbi avadanlıq gətiriləcək. O, həmçinin virusla mübarizə aparan bütün tibb işçilərinə təşəkkür edib.
Bir neçə gün əvvəl məşhur tennisçilər - isveçrəli Rojer Federer və ispaniyalı Rafael Nadal da ölkələrindəki müvafiq fondlara maddi yardımlar göstəriblər.
Aygün Əliyeva
AZƏRTAC-ın xüsusi müxbiri
Belqrad
Bölmənin digər xəbərləri
