“Sumqayıt” klubunun iki futbolçusu U-21 milli komandamıza dəvət alıb
Sumqayıt, 15 may, AZƏRTAC
“Sumqayıt” klubunun iki üzvü 21 yaşadək futbolçulardan ibarət Azərbaycan yığma komandasına dəvət alıb.
Klubun mətbuat xidmətindən AZƏRTAC-a bildirilib ki, Sloveniyada təlim-məşq toplanışı çərçivəsində millimiz mayın 21-də və 27-də müvafiq olaraq Xorvatiyanın “Sloven Belupo-2” və Lyublyananın “Olimpiya” komandalarının əvəzediciləri ilə görüşəcək. U-21 millisinin heyətinə çağırılan futbolçular arasında “Sumqayıt” klubunun üzvləri - Süleyman Əhmədov və Ricat Qarayev də var.
Komandamızın Sloveniyada təlim-məşq toplanışı mayın 18-dən 28-dək davam edəcək.
Bölmənin digər xəbərləri
