SUMQAYIT KOMANDASI ZONA YARIŞLARININ ÇEMPİONUDUR
Sumqayıt, 12 mart (AZƏRTAC). Sumqayıt komandası “Cəsurlar” hərbi-idman və turizm oyunu üzrə yarışlardan qələbə ilə qayıtmışdır.
Şəhərin gənclər və idman baş idarəsindən bildirmişlər ki, Milli Qəhrəman Mətləb Quliyev adına 3 nömrəli orta məktəbin komandası bu günlərdə Xızı rayonunda keçirilən zona yarışlarında birinci yeri tutmuşdur. Onların Dəvəçi və Abşeron rayonlarından olan yaşıdları isə müvafiq olaraq ikinci və üçüncü yerləri tutmuşlar. Qaliblərə Gənclər və İdman Nazirliyinin fəxri fərmanları və qiymətli hədiyyələri təqdim edilmişdir.
Xatırladaq ki, “Cəsurlar” hərbi-idman və turizm oyunlarının final yarışları martın axırında C.Naxçıvanski adına Hərbi Liseydə keçiriləcəkdir.
Bölmənin digər xəbərləri
