Sumqayıtda ağacların budaqlarını kəsən şəxs cərimələnib
Bakı, 24 may, AZƏRTAC
Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları ekoloji qanunvericiliyin tələblərinə riayət olunmasını yoxlamaq məqsədilə reyd keçiriblər.
Departamentdən AZƏRTAC-a bildirilib ki, reyd zamanı Sumqayıt şəhəri, 14-cü məhəllədə dörd tut və bir qarağac ağacının budaqlarının kəsildiyi aşkarlanıb.
Araşdırma zamanı ağacların budaqlarının Sumqayıt şəhər sakini Rəşad Tağıyev tərəfindən kəsildiyi müəyyənləşdirilib və faktla bağlı protokol tərtib edilib. Qanun pozucusu İnzibati Xətalar Məcəlləsinin müvafiq maddəsinə əsasən fiziki şəxs qismində min manat məbləğində cərimələnib.
Bölmənin digər xəbərləri
