Tallinndə ulu öndər Heydər Əliyevin xatirəsi anılmışdır
Tallinn, 13 dekabr (AZƏRTAC). Tallinndəki Zərifə Əliyeva adına uşaq bağçasında Azərbaycan xalqının ümummilli lideri Heydər Əliyevin xatirəsinə həsr edilmiş tədbir keçirilmişdir.
Estoniya-Azərbaycan Mədəniyyət Mərkəzinin sədri Niyazi Hacıyev qonaqları salamlayaraq Azərbaycanın bugünkü dinamik inkişafına təkan vermiş ulu öndər Heydər Əliyevin uzaqgörən siyasətindən, onun demokratik dövlət quruculuğunda, ölkədə sabitliyin bərpa edilməsində tarixi rolundan danışmışdır.
Sonra ulu öndərin həyat yolundan söz açan sənədli film göstərilmişdir. Bağçada böyük şəxsiyyətin həyat və fəaliyyətini əks etdirən fotosərgi təşkil edilmişdir.
Tədbirdə şəhər hakimiyyətinin nümayəndələri və digər rəsmi şəxslər iştirak edirdilər.
Nigar Hüseynova
AZƏRTAC-ın xüsusi müxbiri
Tallinn
Bölmənin digər xəbərləri
