Tarix Muzeyində şəhid hərbi qulluqçulara məxsus əşyalar qorunur
Bakı, 26 iyul, AZƏRTAC
Milli Azərbaycan Tarixi Muzeyində Dövlət Sərhəd Xidmətinin (DSX) hərbi helikopterinin 2021-ci ildə “Qaraheybət” aviasiya poliqonunda təlim uçuşları zamanı qəzaya uğraması nəticəsində həlak olan hərbi qulluqçulara məxsus şəxsi materiallar qorunur.
Muzeyin Vətən müharibəsi fondunun müdiri Şəfa Mövsümov AZƏRTAC-a bildirib ki, fondda saxlanılan həmin materiallar yeni qurulan ekspozisiyada nümayiş olunacaq.
Xatırladaq ki, DSX-nin 2021-ci il noyabrın 30-da hərbi helikopterinin Xızı rayonu ərazisində yerləşən “Qaraheybət” aviasiya poliqonunda təlim uçuşları zamanı qəzaya uğraması nəticəsində 14 hərbi qulluqçu həlak olub, iki nəfər isə yaralanıb.
Bölmənin digər xəbərləri
