Təhsil Mərkəzləşdirilmiş İnformasiya Sistemində “Təhsil Tələbə Krediti” altsistemi yaradılacaq
Bakı, 17 iyun, AZƏRTAC
Azərbaycan Respublikasının Təhsil Nazirliyi Təhsil Mərkəzləşdirilmiş İnformasiya Sistemində “Təhsil Tələbə Krediti” altsistemini yaradacaq.
AZƏRTAC xəbər verir ki, bu, Təhsil Tələbə Krediti Fondunun Nizamnaməsində öz əksini tapıb.
Xatırladaq ki, əhalinin aztəminatlı təbəqələrindən olan şəxslərin təhsilə əlçatanlığını təmin etmək, təhsil almaqda bərabər imkanlar yaratmaq və təhsilin əhatə dairəsini genişləndirmək məqsədilə iyunun 17-də Prezident İlham Əliyev “Azərbaycan Respublikası Təhsil Nazirliyinin tabeliyində Təhsil Tələbə Krediti Fondunun yaradılması və fəaliyyətinin təmin edilməsi ilə bağlı bir sıra tədbirlər haqqında” Fərman imzalayıb.
Bölmənin digər xəbərləri
