“Tottenhem” braziliyalı hücumçu ilə anlaşıb
Bakı, 21 avqust, AZƏRTAC
İngiltərənin “Tottenhem” klubu ilə “Mançester Siti” arasında braziliyalı hücumçu Savinyonun transferi ilə bağlı şifahi razılıq əldə olunub.
AZƏRTAC xəbər verir ki, bu barədə tanınmış insayder Fabritsio Romano məlumat yayıb.
Mənbənin məlumatına görə, 22 yaşlı futbolçunun transferinin dəyəri 75 milyon funt sterlinq (təxminən 88 milyon avro) təşkil edəcək.
Braziliyalı oyunçunun yaxın vaxtlarda “Tottenhem” düşərgəsinə yollanaraq tibbi müayinədən keçəcəyi bildirilir.
Bölmənin digər xəbərləri
