TOVUZDA XOCALI SOYQIRIMININ İLDÖNÜMÜ İLƏ BAĞLI MƏRASİM OLMUŞDUR
Tovuz, 27 fevral (AZƏRTAC). Tovuz rayon mədəniyyət evində Xocalı soyqırımının 18-ci ildönümü ilə əlaqədər “Qan yaddaşımız” adlı ədəbi-bədii kompozisiya göstərilmiş, idarə, müəssisə və təşkilatlarda, inzibati ərazi dairələrində faciəyə həsr olunmuş anma mərasimləri keçirilmişdir.
Bundan əlavə, rayonun mədəniyyət müəssisələrində, ümumtəhsil və orta ixtisas məktəblərində Xocalı soyqırımına həsr olunmuş xatirə gecələri, foto və rəsm sərgiləri təşkil edilmiş, azadlıq uğrunda mübarizəyə həsr olunmuş sənədli və bədii filmlər nümayiş etdirilmişdir.
Rayonun bütün təhsil müəssisələrində ilk dərslər Xocalı soyqırımına həsr olunmuşdur.
Bölmənin digər xəbərləri
