Türkiyədə bütün xarici aviareyslər dayandırılır
İstanbul, 28 mart, AZƏRTAC
Türkiyədə koronavirusa qarşı qabaqlayıcı tədbirlər çərçivəsində bütün xarici aviareyslərin dayandırılması ilə bağlı qərar qəbul edilib.
AZƏRTAC xəbər verir ki, bu barədə Türkiyə Prezidenti Rəcəb Tayyib Ərdoğan bildirib.
Qeyd edilib ki, sabahdan etibarən ölkə daxilində şəhərlərarası səyahət yalnız valilik icazəsi ilə həyata keçiriləcək. Əsgərlər çağırış və tərxisdən əvvəl 14 günlük karantin müddətinə alınırlar. Ölkənin bütün şəhərlərində pandemiya mərkəzləri fəaliyyətə başlayıb.
Türkiyə Prezidenti bu qərarların daha da sərtləşdirilməməsi üçün hər bir vətəndaşın bir müddət özünütəcrid şəraitində yaşamasının vacibliyini vurğulayıb.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
