SİYASƏT
TÜRKİYƏDƏ DİASPOR FƏALİYYƏTİ GENİŞLƏNİR
Türkiyənin müxtəlif şəhərlərində Azərbaycan diasporunun fəaliyyəti geniş vüsət almaqdadır.
Xarici Ölkələrdə Yaşayan Azərbaycanlılarla İş üzrə Dövlət Komitəsindən bildirmişlər ki, Türkiyədə ezamiyyətdə olan komitə əməkdaşları qardaş ölkənin İzmir, Manisa, İstanbul şəhərlərində yeni təşkilatların yaradılması istiqamətində mühüm işlər görmüşlər. İzmir şəhərində keçirilən görüşlər zamanı gələcəkdə “Azərbaycan evi” və ya “Azərbaycan Kültür Mərkəzi” adlanacaq diaspor mərkəzinin yaradılması qərarlaşdırılıb. Bu məqsədlə təşkilat komitəsi yaradılıb və Türkiyə qanunlarına uyğun olaraq yeni yaradılacaq qurumun nizamnamə layihəsi hazırlanıb. İstanbulda keçirilən görüşlərdə isə İstanbul-Azərbaycan evinin yaradılması barədə qərar qəbul olunmuşdur.