Türkiyənin 23 vilayətində terrorçularla əlaqədə şübhəli bilinən 100-dən çox şəxs saxlanılıb
Ankara, 11 aprel, AZƏRTAC
Türkiyənin daxili işlər naziri Ali Yerlikaya İŞİD terror təşkilatında iştirak edən şəxslərə qarşı növbəti genişmiqyaslı əməliyyatın təşkil edildiyi barədə açıqlama verib.
AZƏRTAC xəbər verir ki, nazirin sosial şəbəkələrdə dərc etdiyi məlumata görə, Türkiyə polisi və jandarm qüvvələrinin səyləri ilə 23 vilayətdə terrorçularla əlaqədə şübhəli bilinən 100-dən çox şəxs saxlanılıb.
Ankara, İstanbul, Qaziantep, Eskişehir, Kayseri və Samsun kimi böyük vilayətlər də daxil olmaqla, əməliyyat prokurorluq orqanları ilə koordinasiyalı şəkildə martın 19-dan 27-dək həyata keçirilib.
Saxlanılan şəxslər qanunsuz cinayətkar təşkilatlarda iştirak, terror təşkilatlarını maliyyələşdirmə və qadağan olunmuş ideologiyanı təbliğ etdikləri üçün axtarışda olublar.
A.Yerlikaya bildirib ki, hüquq-mühafizə orqanları tərəfindən cinayətkarlıqla mübarizə fasiləsiz davam etdiriləcək.
Ramin Abdullayev
AZƏRTAC -ın xüsusi müxbiri
Ankara
Bölmənin digər xəbərləri
