TÜRKİYƏNİN NİĞDƏ ŞƏHƏRİNDƏ “AZƏRBAYCANDA ERMƏNİ ZÜLMÜ FOTOŞƏKİLLƏRDƏ" SƏRGİSİ AÇILMIŞDIR
Ankara, 25 iyun (AZƏRTAC). Türkiyə Jurnalistlər Federasiyasının, AZƏRTAC-ın və Azərbaycan Parlament Jurnalistləri Birliyinin təşkilatçılığı ilə Türkiyənin Niğdə şəhərində "Azərbaycanda erməni zülmü fotoşəkillərdə" sərgisi açılmışdır.
Niğdə valisi Alim Barut, bələdiyyə sədri Faruk Akdoğan sərginin açılışını bildirən lenti kəsmişlər. Vilayətin rəhbərləri və qonaqlar AZƏRTAC-ın fotoşəkillərindən ibarət sərgi ilə tanışlıqdan sonra xatirə kitabına təəssüratlarını yazmışlar.
Açılış mərasimində çıxış edən Niğdə Jurnalistlər Cəmiyyətinin sədri Əhməd Öncü bildirmişdir ki, ermənilər təkcə Anadoluda deyil, qardaş Azərbaycan torpaqlarında da qətliamlar törətmişlər. XX əsrdə Bakı, Naxçıvan, Gəncə, Quba, Şamaxı və Xocalıda daşnak quldurlarının vəhşi qətliamları insanlıq tarixinin qara səhifələridir. Dünyada qondarma “soyqırımı” təbliğatı aparan ermənilər Xocalı soyqırımının cavabını verməlidirlər. Bu hadisələr heç vaxt unudulmayacaqdır.
Sərgi iyunun 27-dək davam edəcəkdir.
Oqtay Bayramov
AZƏRTAC-ın xüsusi müxbiri
Ankara
Bölmənin digər xəbərləri
