“Unibank” şahmat üzrə banklar arasında keçirilən çempionatın qalibi oldu
Bakı, 11 may, AZƏRTAC
“Unibank” əməkdaşları banklar arasında keçirilən şahmat çempionatını qalibiyyətlə başa vurublar.
Bankdan AZƏRTAC-a bildiriblər ki, çempionatda bankın risk menecment departamentinin mütəxəssisi Rəsul Mənsimli birinci yeri tutub. Komanda hesabında da “Unibank” qalib olub.
Azərbaycan Banklar Assosiasiyası və Azərbaycan Şahmat Federasiyasının təşkilatçılığı ilə “Ümummilli lider Heydər Əliyevin anadan olmasının 93-cü ildönümünə həsr olunmuş Banklar Arasında Şahmat üzrə şəxsi çempionat” bir həftə davam edib. Şahmat yarışına 20 bankdan 82 nümayəndə qoşulub.
Bölmənin digər xəbərləri
