Xaçmazda reyd zamanı qanunsuz ağac kəsilməsi faktı aşkarlanıb
Bakı, 8 iyun, AZƏRTAC
Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları respublika ərazisində yerli meşə materiallarının qanunsuz yolla əldə edilməsi, daşınması və satışı hallarının qarşısının alınması məqsədilə növbəti reyd keçiriblər.
AZƏRTAC nazirliyin saytına istinadla xəbər verir ki, Xaçmaz rayonu ərazisində keçirilən reyd zamanı Çinartala kəndi ərazisində Zeynəddin Daşdəmirova məxsus yeşik hazırlanan sexdə qanunsuz yolla əldə edilmiş 4,1 kubmetr həcmində fıstıq cinsli meşə materialı aşkarlanıb. Faktla bağlı sexin sahibi barəsində akt tərtib edilib. Ona təbiətə dəyən 709 manat məbləğində ziyanla əlaqədar cərimə tətbiq olunub.
Bölmənin digər xəbərləri
