XARKOVLU SOYDAŞIMIZ DOKTORLUQ DİSSERTASİYASINI UĞURLA MÜDAFİƏ ETMİŞDİR
AZƏRTAC-ın Ukraynadakı xüsusi müxbiri xəbər verir ki, soydaşımız Murad Ömərov Xarkov Milli Radioelektronika Universitetində “Radiotexnika qurğuları və telekommunikasiya vasitələri” ixtisası üzrə uğurla dissertasiya müdafiə edərək, texnika elmləri doktoru elmi dərəcəsi almışdır. O, Xarkov vilayətində yaşayan azərbaycanlılar arasında dördüncü elmlər doktorudur.
M.Ömərov gənc olmasına baxmayaraq, Ukraynanın bu iri şəhərində yaşayan azərbaycanlılar arasında, habelə Xarkovun siyasi və ictimai dairələrində böyük nüfuza malikdir. O, Xarkov Azərbaycan-Ukrayna “Dostluq” cəmiyyətinin başçısı və şəhərin Kiyev rayon Sovetinin deputatıdır.
Bölmənin digər xəbərləri
