“XAYFA-BAKI” CƏMİYYƏTİNİN FƏALİYYƏTİ YÜKSƏK QİYMƏTLƏNDİRİLİR
Cəmiyyətin sədri Miron Fel və İsrailin Xayfa şəhərinin meri Yona Yaavın görüşündə təşkilatın fəaliyyəti geniş müzakirə olunmuşdur.
Yona Yaav Miron Feli Dünya azərbaycanlılarının həmrəyliyi sahəsindəki xidmətlərinə görə Azərbaycan Prezidenti tərəfindən “Tərəqqi” medalına layiq görülməsi münasibəti ilə təbrik etmiş, İsrail vətəndaşının belə yüksək mükafat almasını çox əlamətdar hadisə kimi qiymətləndirmişdir. Y.Yaav Azərbaycanla İsrail arasındakı münasibətlərin inkişafında “Xayfa-Bakı” cəmiyyətinin yüksək rolunu, təşkilatın fəaliyyətinin səmərəliliyini qeyd etmişdir.
Miron Fel əməyinə verilən yüksək qiymətə, təşkilatına göstərilən diqqət və qayğıya görə, Azərbaycan Prezidentinə və Xayfa şəhərinin merinə minnətdarlığını bildirmiş, Azərbaycanla İsrail arasında əlaqələrin inkişafı istiqamətində fəaliyyətini bundan sonra da davam etdirəcəyini vurğulamışdır.
Qeyd edək ki, “Xayfa-Bakı” cəmiyyəti 1991-ci ildən fəaliyyət göstərir və öz ətrafında Azərbaycandan çıxmış yəhudiləri birləşdirir. Qurumun əsas məqsədi Bakıdan Xayfaya köçənləri bir araya gətirmək və Azərbaycan Respublikası ilə əlaqələri daha da inkişaf etdirməkdir. Təşkilatda 800-ə yaxın yəhudi ailəsi təmsil olunur.
Bölmənin digər xəbərləri
