“Xocalı” tamaşası Azərbaycan Dövlət Kukla Teatrının səhnəsində
Bakı, 26 fevral (AZƏRTAC). Fevralın 26-da Azərbaycan Dövlət Kukla Teatrında Zərəngiz Dəmirçi Qayalının Xocalı soyqırımına həsr olunmuş “Xocalı” tamaşası nümayiş etdirilmişdir.
Tamaşada 1992-ci il fevralın 25-dən 26-na keçən gecə keçmiş SSRİ-nin 366-cı motoatıcı alayı ilə Ermənistan silahlı qüvvələrinin Xocalı şəhərini yerlə-yeksan etməsi lənətlənmişdir.
Azərbaycan Dövlət Musiqili Komediya Teatrı nəzdində fəaliyyət göstərən “Günay” Uşaq Teatrının ifasında oynanılmış tamaşa maraqla qarşılanmışdır.
Tamaşanın quruluşçu rejissoru Larisa Tarusova, baletmeysteri Günəş Talıblı, məsləhətçisi Aygün Zamanlıdır.
Bölmənin digər xəbərləri
