“Xocalıya ədalət” kampaniyası çərçivəsində Kiyevdə etiraz aksiyası keçirilmişdir
Bakı, 26 fevral (AZƏRTAC). AZƏRTAC xəbər verir ki, fevralın 26-da Kiyevdə İslam Konfransı Gənclər Forumu və Ukrayna Azərbaycanlı Gənclər Birliyinin (UAGB) birgə təşəbbüsü ilə “Xocalıya ədalət” kampaniyası çərçivəsində etiraz aksiyası keçirilmişdir.
Ukraynada yaşayan azərbaycanlı gənclər BMT-nin və ATƏT-in Kiyevdə fəaliyyət göstərən nümayəndəlikləri qarşısında mitinq keçirərək indiyədək erməni vəhşiliklərinə göz yuman beynəlxalq təşkilatlardan ikili standartlardan əl çəkməyi tələb emişlər. Onlar BMT və ATƏT-i Ermənistan-Azərbaycan, Dağlıq Qarabağ münaqişəsi ilə bağlı ədalətli qərar verməyə səsləmişlər .
Aksiyada “Erməni terrorizminə son qoyulsun!”, “Qarabağ Azərbaycan torpağıdır!”, “Beynəlxalq təşkilatlar Xocalı soyqrımına hüquqi siyasi qiymət verməlidir!” və s. kimi şüarlar səsləndirilmişdir.
UAGB-nin sədri Anar Tahirov Ukraynada yaşayan gənclər tərəfindən hazırlanmış qətnaməni BMT və ATƏT-in nümayəndəliklərinə təqdim etmişdir.
######
 |
 |
Bölmənin digər xəbərləri
