YAP Nəsimi rayon təşkilatı ölkəmizdə koronavirusa qarşı aparılan ümummilli mübarizəyə qoşulub
Bakı, 24 mart, AZƏRTAC
Azərbaycan Prezidenti İlham Əliyevin rəhbərliyi ilə dövlətimizin qlobal təhlükə olan koronavirusa qarşı apardığı ümummilli mübarizə bütün ictimaiyyəti həmrəy edib. Cəmiyyətin hər bir təbəqəsi bu təhlükənin tezliklə aradan qaldırılması üçün Prezidentimiz, dövlətimiz tərəfindən bütün imkanların səfərbər edilməsini, Birinci vitse-prezident Mehriban Əliyevanın qayğıkeşliklə xalqımıza ünvanladığı müraciəti yüksək qiymətləndirir.
Bu günlərdə dövlətimizin koronavirusa qarşı apardığı mübarizəyə dəstək məqsədilə Yeni Azərbaycan Partiyası (YAP) Koronavirusla Mübarizəyə Dəstək Fonduna 200 min manat vəsait köçürülməsinə qərar verib.
AZƏRTAC xəbər verir ki, bu nəcib təşəbbüsə YAP Nəsimi rayon təşkilatı da qoşulub. Belə ki, təşkilatın bütün əməkdaşları biraylıq əməkhaqlarını Koronavirusla Mübarizəyə Dəstək Fonduna köçürüblər.
Bölmənin digər xəbərləri
