Yevlaxda 20 Yanvar faciəsinin ildönümü münasibətilə anma mərasimi keçirilmişdir
Yevlax, 21 yanvar (AZƏRTAC). Yevlaxda 20 Yanvar faciəsinin 21-ci ildönümü ilə əlaqədar Şəhidlər abidə kompleksi önündə anma mərasimi keçirilmişdir.
Rayon ictimaiyyətinin nümayəndələri əvvəlcə Şəhidlər xiyabanında Vətənimizin müstəqilliyi və ərazi bütövlüyü uğrunda həlak olanların məzarları üzərinə çiçək dəstələri düzmüşlər.
Şəhər İcra hakimiyyəti başçısının müavini Qoca Səmədov, şəhid anası Solmaz Rzayeva, 20 Yanvar faciəsinin şahidi Cavid Nəbiyev və başqaları mərasimdə çıxış edərək, xalqımızın azadlıq mübarizəsinin və qəhrəmanlıq salnaməsinin ən parlaq səhifələrindən olan Qanlı Yanvardan, şəhid ailələrinə göstərilən dövlət qayğısından danışmışlar.
Mərasim iştirakçıları rayon məktəblilərinin 20 Yanvar faciəsinə həsr olunmuş rəsm sərgisinə baxmışlar.
Tədbir rayon məktəblilərinin hazırladığı ədəbi-bədii kompozisiya ilə başa çatmışdır.
######
Bölmənin digər xəbərləri
