ZAQATALADA VOLEYBOL ÜZRƏ ZONA YARIŞLARI KEÇİRİLMİŞDİR
Zaqatala, 14 mart (AZƏRTAC). Martın 10-dan 14-dək Zaqatala Olimpiya İdman Kompleksində 1995-96-cı təvəllüdlü oğlanlar arasında voleybol üzrə respublika birinciliyinin zona yarışları keçirilmişdir. Qələbə uğrunda 7 komanda - Zaqatala, Balakən, Qax, Şəki, Daşkəsən, Şəmkir və Gədəbəy rayonlarının təmsilçiləri mübarizə aparmışlar. Üç gün davam edən yarışlarda Zaqatala, Şəki və Şəmkir rayonlarının komandaları müvafiq olaraq ilk 3 yeri bölüşmüşlər. Zona yarışının qalibi olmuş Zaqatala komandası eyni zamanda, respublika birinciliyinin apreldə Qazaxda təşkil olunacaq final mərhələsində iştirak etmək hüququ əldə etmişdir.
Bölmənin digər xəbərləri
