CƏMİYYƏT


Azərbaycan və gürcü xalqları arasında dini-mənəvi sahədə əlaqələr müzakirə olunub

Tbilisi, 21 noyabr, AZƏRTAC

Qafqaz Müsəlmanları İdarəsinin (QMİ) Tbilisidəki nümayəndəsi hacı Əli Əliyev Gürcüstanın Katolikos-Patriarxı II İlya ilə görüşüb.

AZƏRTAC xəbər verir ki, görüşdə II İlya QMİ-nin sədri Allahşükür Paşazadəni anadan olmasının 70, şeyxülislam kimi fəaliyyətinin 40 illiyi münasibətilə təbrik edib. O, Allahşükür Paşazadəni mənalı ömrünü Qafqazda davamlı sülhün, əmin-amanlığın bərqərar olmasına həsr etmiş görkəmli din xadimi kimi səciyyələndirib. Bildirib ki, Allahşükür Paşazadənin bütün dinlər arasında sülhsevərlik, dözümlülük, birgəyaşayış, bərabərlik və humanizm kimi dəyərlərin qorunub saxlanılması, eyni zamanda, Gürcüstan-Azərbaycan dostluq münasibətlərinin möhkəmləndirilməsində xüsusi xidmətləri olub.

Görüşdə xalqlarımız arasında dini-mənəvi sahədə münasibətlər, Gürcüstanda yaşayan azərbaycanlıların, eləcə də Azərbaycanda məskunlaşmış gürcülərə yaradılan şərait, onların inteqrasiyası, dinlərarası əlaqələr və s. məsələlər ətrafında fikir mübadiləsi aparılıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.