SİYASƏT


Polşada Əlimərdan bəy Topçubaşovun barelyefi açılıb

Bakı, 22 oktyabr, AZƏRTAC

Azərbaycanın Polşadakı səfirliyinin təşkilatçılığı ilə Poznan şəhərindəki İqnaçı Paderevski adına Musiqi Akademiyasında 1918-1920-ci illərdə bu ölkənin Baş naziri olmuş İqnaçı Paderevskinin və Azərbaycan Xalq Cümhuriyyəti parlamentinin sədri Əlimərdan bəy Topçubaşovun barelyefi açılıb.

Azərbaycanın Polşadakı səfirliyindən AZƏRTAC-a bildiriblər ki, mərasimdə Akademiyanın müəllim və tələbə heyəti, Poznan ictimaiyyətinin tanınmış nümayəndələri iştirak ediblər.

Tədbirdə çıxış edən Musiqi Akademiyasının rektoru xanım Halina Lorkovskaya İqnaçı Paderevskinin və Əlimərdan bəy Topçubaşovun həyat və fəaliyyətləri haqqında məlumat verib. O, barelyefin İ.Paderevskinin adını daşıyan Musiqi Akademiyasında açılmasını əlamətdar hadisə kimi dəyərləndirib.

Ölkəmiz haqqında məlumat verən səfir Həsən Həsənov Azərbaycan-Polşa əlaqələrinin tarixindən danışıb. Diplomat bildirib ki, barelyefin açılışı Azərbaycan xalqının öz dostlarını unutmadığını göstərir.

Sonra Həsən Həsənov və Halina Lorkovskaya barelyefin rəmzi açılışını bildirən lenti kəsiblər.

Tədbir Akademiya tələbələrinin konsert proqramı ilə davam edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.