ABŞ rəsmi olaraq yenidən UNESCO-nun üzvü oldu
Bakı, 25 iyul, AZƏRTAC
Parisdə UNESCO və ABŞ bayraqlarının qaldırılması mərasimi keçirilib, tədbir Vaşinqtonun təşkilatın tərkibinə qayıtmasına həsr olunub. Bu barədə AZƏRTAC “Associated Press” nəşrinə istinadla xəbər verir.
Qeyd olunur ki, mərasimdə ABŞ-ın birinci xanımı Cill Bayden iştirak edib. “Bu gün sizə qoşulmaq mənim üçün şərəf idi. Biz qlobal tərəfdaşlığımızın simvolu olan Birləşmiş Ştatlarının bayrağını ucaldırıq”, — deyə Amerikanın birinci xanımı bildirib.
ABŞ hələ Donald Trampın prezidentliyi dövründə - 2018-ci ildə təşkilatı tərk edib, ölkə bu qərarı UNESCO-nun guya dərin yenidənqurmaya ehtiyacı olduğu ilə əsaslandırıb.
Bölmənin digər xəbərləri
