Almaniyada yaşayan azərbaycanlıların ali təhsil almaq məsələsi müzakirə edilmişdir
Bakı, 14 sentyabr (AZƏRTAC). Diasporla İş üzrə Dövlət Komitəsindən AZƏRTAC-a bildirmişlər ki, Saksen-Anhalt vilayəti üzrə Alman-Azərbaycan Mədəniyyət Cəmiyyətinin sədri Yaşar Millnitts Niftəliyev Almaniya Qızıl Xaç Cəmiyyətinin Maqdeburq-Yerixover federal torpağı üzrə regional təşkilatının sədri xanım Jana Linzenburq ilə görüşmüşdür.
Görüşdə Maqdeburqda və bu şəhər ətrafında yaşayan, orta məktəbi kafi qiymətlərlə bitirən azərbaycanlı şagirdlər üçün ali məktəbə hazırlıq kurslarının keçirilməsi məsələsi müzakirə olunmuşdur. Azərbaycanlıların ali təhsil almaq istəklərini yüksək dəyərləndirən J.Linzenburq bunun üçün kömək göstərəcəyini vəd etmişdir. J.Linzenburqun azərbaycanlı şagirdlərlə birinci görüşü sentyabrın 19-da təyin edilmişdir.
Sonra Y.M.Niftəliyev xanım J.Linzenburqa Azərbaycan haqqında ətraflı məlumat vermiş, 2009-cu ildə Dr.Koster tərəfindən çap olunmuş Dağlıq Qarabağa aid kitab təqdim etmişdir.
Görüşdən məmnunluğunu vurğulayan xanım J.Linzenburq Saksen-Anhalt vilayəti üzrə Alman-Azərbaycan Mədəniyyət Cəmiyyəti ilə əməkdaşlığını yüksək qiymətləndirmişdir.
Bölmənin digər xəbərləri
