Almaniyada yeni Azərbaycan cəmiyyətlərinin fəaliyyətə başlaması məsələsi müzakirə edilmişdir
Bakı, 13 sentyabr (AZƏRTAC). Diasporla İş üzrə Dövlət Komitəsindən AZƏRTAC-a bildirmişlər ki, Almaniyanın Tangelhütte şəhərində Saksen-Anhalt vilayəti üzrə Alman-Azərbaycan Mədəniyyət Cəmiyyətinin toplantısı keçirilmişdir.
Cəmiyyətin sədri Yaşar Millnitts Niftəliyev ermənilərin 2011-ci il sentyabrın 19-da Dağlıq Qarabağın qondarma müstəqilliyinin 20-ci ildönümü ilə bağlı keçirməyə hazırlaşdıqları konsertə etiraz olaraq qurumun üzvlərinin Ştutqart şəhər rəhbərliyinə göndərdikləri məktuba cavabı oxumuşdur. İştirakçılar bir daha erməni separatçılarının konsert keçirmə planlarına qarşı etirazlarını bildirmişlər.
Y.M.Niftəliyevin Saksen-Anhalt vilayətində yeni cəmiyyətlərin fəaliyyətə başlaması təklifi iştirakçıları tərəfindən yüksək qiymətləndirilmişdir. Vilayətin bütün şəhərlərində Azərbaycan cəmiyyətlərinin açılması cəmiyyətin qarşısında duran əsas vəzifələrindən biri kimi müəyyən edilmişdir.
Bölmənin digər xəbərləri
