Almaniyalı məşqçi: Bakıda özümüzü doğma vətənimizdəki kimi hiss edirik
Bakı, 25 may, Leyla Qurbanova, AZƏRTAC
Bakıya böyük ümidlərlə gəlmişik. Aerobika gimnastikası Avropa çempionatı maraqlı idman mübarizəsi şəraitində davam edir. Yarışların yüksək təşkilatçılıq səviyyəsi, yaradılan şərait gimnastların öz bacarıqlarından maksimum istifadə etmələri üçün geniş imkanlar açır. Sevinirik ki, finala vəsiqə qazana bildik. Gimnastlarımız yaxşı çıxış etdilər.
Bunu Bakıda keçirilən aerobika gimnastikası üzrə XI Avropa çempionatında iştirak edən Almaniya millisinin məşqçisi Anke Beranek AZƏRTAC-a müsahibəsində deyib.
Şəhərlə daha yaxından tanış olmaq istədiklərini vurğulayan məşqçi bildirib: “Bakıda olduğumuz müddətdə şəhərinizlə yaxından tanış olmaq istəyirik. Bakı gözəl şəhərdir, insanları çox qonaqpərvərdirlər. Burada özümüzü doğma vətənimizdəki kimi hiss edirik”.
Bölmənin digər xəbərləri
