Ankarada çoxmərtəbəli yaşayış binasının sakinləri təxliyə olunub
Ankara, 10 mart, AZƏRTAC
Ankaranın Plevne məhəlləsində yerləşən dördmərtəbəli yaşayış binasında aşkarlanan qəza vəziyyəti səbəbindən sakinlər təxliyə olunub.
AZƏRTAC xəbər verir ki, təxliyə martın 10-da yerli vaxtla saat 4.30-dan başlanaraq həyata keçirilib. Buna səbəb altı il əvvəl tikilən binanın əsas sütunlarında əmələ gələn çatların sürətlə genişlənməsi olub. Bildirilir ki, Ankara valiliyi ən qısa zamanda binadakı 21 mənzilin sakinlərini müvəqqəti yerləşdirmək üçün müvafiq addım atacaq.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
