Ankarada kömür şaxtasında qəza nəticəsində 13 nəfər yaralanıb
Ankara, 10 aprel, AZƏRTAC
Ankara vilayətindəki kömür şaxtalarından süxur qatlarının çökməsi nəticəsində 13 nəfərin yaralandığı bildirilir.
AZƏRTAC xəbər verir ki, qəza aprelin 10-na keçən gecə Hırkatepe rayonunda baş verib.
Ankara valisi Vasip Şahin bildirib ki, yaralılardan birinin vəziyyəti ağır olaraq qiymətləndirilir. Onun sözlərinə görə, qəza zamanı şaxtada 29 nəfər olub.
Vali əlavə edib: “Yaralanan 11 şaxtaçı Beypazarı rayonunun dövlət xəstəxanasına çatdırılıb, 2 nəfərin müalicəsi isə Ankara xəstəxanasında aparılır”.
Qəzanın nəticələri ilə bağlı təhqiqat başladılıb.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
